Ака уйăхĕн 25-мĕшĕнче  Васильева М.Н.    6В класра чăваш поэчĕсен сăввисем тăрăх «Тăван чĕлхене упра, юрат» поэзи сехечĕ ирттерчĕ. 

       Мероприяти тĕллевĕсем: 1) тăван чĕлхен илемне туйса илме хăнăхтарасси;

                         2) илемлĕ сăмах ăс-тăна, шухăш - туйăма вăратни, чун-чĕрене хускатнине туйтарасси;

                      3)Тăван çĕр -шыва, атте-аннене, тăван чĕлхене юратма вĕрентесси.

   Г.Н.Волков академик: «Тăван чĕлхе – халăхăн аваллăхĕ, тăван чĕлхе – халăхăн сумлă та телейлĕ малашлăхĕ», - тенĕ Пирĕн халăх мĕн авалтан çамрăксене хăйĕн тăван чĕлхине юратма, хисеплеме вĕрентнĕ.           Паянхи кун çак ăслă шухăша çамрăк ăру чăваш çыравçисен хайлавĕсене вуласа пĕлме пултарать. Ваçлей Давыдов-Анатри, П.Хусанкай, Я. Ухсай, А.Артемьев, Анатолий Юман,  А.А.Воробьев, М.Юхма, Н. И. Шелепи , Р.Сарпи, Николай Сандров, А. Афанасьев çырнă сăвă йĕркисене ачасем чунтан каларĕç.

    Мероприяти сăвă йĕркисенчен илнĕ пĕтĕмлетўпе вĕçленчĕ:

                   «Кам тăван чĕлхене юратмасть,

                   Вăл тăван амăшне юратмасть.

                   Кам тăван амăшне юратмасть,

                   Вăл тăван халăхне юратмасть.

                   Кам тăван халăхне юратмасть,

                   Вăл Тăван  çĕр-шывне юратмасть».