Январь вĕçĕнче Шупашкарта "PROFEST-Чебоксары 2019" робототехника фестивалĕ иртнĕ. Çамрăксен фестивалĕнче пирĕн район чысне Хĕрлĕ Чутайри вăтам шкулта 3 В класра вĕренекен Кирилл Вадейкинпа Никита Самылкин хỹтĕленĕ.

Арçын ачасем хăйсен пултарулăхне шкулта Эльвира Геннадьевна Бродюкова ертсе пыракан робототехника кружокĕнче туптаççĕ. Фестивале вĕсем хăйсем ăсталанă роботсемпе "Шагающий шорт-трек" номинацире хутшăннă.

Кирилпа Никита ăсталанă робот программăпа палăртнă траекторие йăнăшсăр утса тухнă. Çапла майпа арçын ачасем иккĕмĕш вырăн йышăнма пултарнă.

Çамрăк конструкторсем фестивальтен парнесемпе тата савăк кăмăлпа, робототехника енĕпе малалла тата тăрăшарах ĕçлес шухăшпа таврăннă.