Ака уйăхĕн 20-мĕшĕ. «И.Я.Яковлев – чăваш халăхĕн Патриархĕ» урок лекци, И.Я.Яковлев хайлавĕсем тăрăх тунă ÿкерчĕксен конкурсĕ 5-мĕш классенче иртрĕ. Вĕрентекенсем ачасене И.Я.Яковлевăн пурнăçĕ, ĕçĕ-хĕлĕ çинчен каласа пачĕç. Çавăн пекех Вĕрентекенĕмĕрĕн Чăваш халăхне панă халалĕпе паллаштарчĕç. И. Я. Яковлев хăйĕн ывăл-хĕрне мар, пĕтĕм чăваш халăхне халал парса хăварнă. Халăхпа халăх, çынпа çын тан пулмалла, вĕсен пĕр-пĕринпе хирĕçмесĕр пурăнмалла, пĕри теприн умĕнче хăйне асла е мĕскĕне хумалла мар, мĕншĕн тесен вĕсем пурте çынсем. Çавăнпа та çынсен пурин те сăпайлă пулмалла тата пĕр-пĕринпе килĕштерсе пурăнмалла.

 И.Я.Яковлев хайлавĕсем тăрăх тунă ÿкерчĕксен конкурсĕнче çак вĕренекенсен ĕçĕсем аванрах пулчĕç: Данилова К., Дадюков А., Борисов А., Юмжакова А, Сатлайкина В, Горбушкина С.
 

Иванова В.Е., чăваш чĕлхи вĕрентекенĕ