Ака уйăхĕн 25-мĕшĕнче, Иван Яковлевич Яковлев çуралнă кун, эпир Чăваш чĕлхи кунне паллă турăмр. Чăваш чĕлхи кунне тата Чăваш Республикинчи Мухтавлă ентешсен çулталăкне халалланă «Всечувашский диктант/ «Пĕтĕм чăваш диктанчĕ -2022» акци иртрĕ. Пĕтĕм чăваш диктанчĕ чăваш чĕлхине упрас, сыхласа хăварас, чăваш чĕлхин пĕлтерĕшне ÿстерес тĕллевпе шкул ачисем, студентсем, педагогсем, ял çыннисем хушшинче иртет.Текст чăваш чĕлхине тĕнче уçлăхне çити çĕклесе чăваш халăхĕ пирки пĕтĕм тĕнчене пĕлтернĕ Улăпăмăр, икĕ хут Совет Союзĕн Геройĕ ятне тивĕçнĕ Шуршăл ачи – Андриян Николаев космонавт летчик çинчен пулчĕ. Диктант çырма 57-ĕн çырма кăмăл турĕç. Вĕсенчен çиччĕшĕ вĕрентÿçĕсем, ыттисем 5-мĕш тата 11-мĕш класс вĕренекенĕсем. Ачасен чăвашла аван çырма пултарнине тĕрĕслеме май пулчĕ.

Иванова В.Е., чăваш чĕлхи вĕрентекенĕ