Ака уйăхĕн 8-21-мĕшĕсенче Пĕтĕмĕшле вăтам пĕлÿ паракан Красноармейски район администрацийĕн вĕрентÿ пайĕ йĕркеленипе республикăмăрти районсем хушшинче "Улăп – 2013: Эпир - Улăп йăхĕнчен!" уçă инçет вăйă конкурс иртрĕ. Ăна Чăваш чĕлхи кунне тата Раççей халăх артисчĕ, Чăваш тата Дагестан Республикисен искусствăсен тава тивĕçлĕ деятелĕ, паллă чăваш композиторĕ Ф.М.Лукин çуралнăранпа 100 çул çитнине халалланă.
    Конкурса пурĕ 425 ытла ача заявка панă. Хутшăнакансен пĕр сехет хушшинче 20 ыйтăва хуравламалла пулчĕ. Кащни ыйтăва пĕр балпа хакланă. Пирĕн шкултан ку конкурса 4 вĕренекен хутшăнма пултарчĕ: Тимофеева Диана (8А класс), Васильев Евгений (7Б), Картмасова Арина (10А) тата Орлова Наталья (10А).

     Уçă инçет вăйă конкурса хутшăнакансем аван результатсем кăтартрĕç. Картмасова Арина вара 10-11 классем хушшинче  II вырăн йышăнчĕ (Ку ÿсĕмре 1-мĕш  вырăн йышăнакан пулман). Палăртса хăвармалла, Арина иртнĕ çул та "Улăп – 2012: Эпир - Улăп йăхĕнчен!" конкусри çĕнтерÿçĕсенчен пĕри пулнă.

   Чăвашсен  паллă çыннисемпе кăткăсланакан, тăван чĕлхемĕре юратакан маттур вĕренекене саламлатпăр, малашне те тĕрлĕ конкурсра хутшăнса çĕнтерме ăнăçусем сунатпăр.