Кăçал Чăваш Республикин пуçлăхěн хушăвěпе 2018 çула И.Я. Яковлев çулталăкě тесе палăртнă. Хěрлě Чутай районěнчи чăваш чěлхипе литературине вěрентекен ассоциации пěрлешěвě те аслă Вěрентекенěмěре халалласа тěрлě ěçсем туса ирттерет.

Акă, пуш уйăхěн 14-мěшěнче Хěрлě Чутайри пěтěмěшле вăтам пěлÿ паракан шкулта И. Яковлева халалласа «Вулăр, пěлěр, тěпчěр» викторина иртрě. Унта 5-8, 10 класра вěренекенсем хутшăнчěç. Тупăшура Патриархăмăрăн кун-çулне, ěçě-хěлне лайăх пěлни курăнчě.

Часах вěсем çак пěлěве малалла аталантарас тěлěшпе наукăпа практика конференцийěнче тěл пулěç.