Пуш уйӑхӗн 2-мӗшӗнче Хĕрлĕ Чутай вăтам шкулĕнче район шайĕнче иртекен «Туслăх хĕлхемĕ» фестиваль пулчӗ. Фестивале 1-4 класа çÿрекен шкул ачисем хутшăнчĕç. Вăл тĕрлĕ номинацире иртрĕ. 1Б класра вĕренекенсем те конкурссене хутшăнчĕç. Александрова Аннăпа Князькова Екатерина «Янра, чăваш юрри» номинацире палăрчĕç. Вĕсем Людмила Кинер çырнă «Кăвакал чĕпписем» юрра юрласа 1-мĕш вырăн йышăнчĕç. «Сăмах илемĕ» номинацире Белова Марийăпа Дементьев Станислав 2-мĕш вырăнсене çĕнсе илчĕç. Вĕсене эпир саламлатпăр, малашне те пысăк ÿсĕмсем тума сĕнетпĕр.
Класс ертÿçи: Герасимова В.П.
Шăматкун, пуш уйӑхӗн 2-мӗшӗнче, кашни çулах иртекен «Туслăх хĕлхемĕ» фестиваль район шайĕнче иртрĕ. Фестивале 1-4 класра вĕренекен шкул ачисем хутшăнчĕç. Вăл тăватă номинацире иртрĕ: «Сăмах илемĕ», «Янра чăваш юрри», «Чăваш апачĕ», «Чăваш вăййи». Çак фестивале 1А класра вĕренекенсем те тăрăшсах хатĕрленчĕç. Ачасем тăрăшни сая каймарĕ. Шипеев Артем «Сăмах илемĕ» номинацире З. Нестерова çырнă «Автанпа тилĕ» юмаха тăрăшса каласа пачĕ, 3-мĕш вырăн йышăнма пултарчĕ. Фондеркина Милена, Кудряшова Полина тата Мареева Женя «Янра чăваш юрри» номинацире «Чун-чĕререн савăнар» юрра илемлĕн шăрантарчĕç. Вĕсем те 3-мĕш вырăн йышăнчĕç. Эпир вĕсене саламлатпăр. Маттур, ачасем!