2023 çулхи нарăс уйăхĕн 18-мĕшĕнче Чăваш Республикин вĕренÿ институчĕпе Хĕрлĕ Чутай шкулĕ Тăван чĕлхе куне тата Телейлĕ ачалăх çулталăкне халалласа «Аваллăхсăр малашлăх çук» республика фестивальне ирттереççĕ.

Фестиваль тĕллевĕпе задачисем:

• чăваш халăхĕн авалтан пыракан йăла-йĕркипе, сăвă-юрăллă, вăйă-ташăллă уявĕсемпе паллаштарасси;

• ачасене тăван халăх йăли-йĕркине тытса пыма хăнăхтарасси;

• шкул ачисен тăван халăх чĕлхипе литературине, историпекультурине вĕренес кăмăлне çĕклесси;

• вĕрентекенсен паха опытнее тупса палăртасси, унпа ыттисене паллаштарасси.

Фестивальте Чăваш Республикин шкулчченхи вĕренÿ организацийĕсен тата пĕтĕмĕшле пĕлÿ паракан тĕп/ вăтам шкул ушкăнĕсем ăмăртаççĕ.
Фестиваль ăмăртăвĕсем

• «Атьăр вăййа тухар-и?» (шкулчченхи вĕренÿ организацийĕсенче тата кĕçĕн классенче вĕренекенсем чăваш ача-пăча вăййисене кăтартса пани);

• «Халăх хитре – йăлипе» (вăтам классенче вĕренекенсен фольклор ушкăнĕ чăваш халăхĕн хăй тăрăхĕнчи пĕр йăли-йĕркине кăтартса пани);

• «Халăх юрри – чунăм уççи» (вăтам е аслă классенче вĕренекенсем чăваш халăх юррине юрлани);

• «Ай, ташлар-и ташшине…» (шкулчченхи вĕренÿ организацийĕсенче тата 1-11-мĕш классенче вĕренекенсем чăваш ташшине ташлани);

• «Çĕнĕ варкăш» (2-11-мĕш классенче вĕренекенсем хăйсем çырнă сăвăсене пăхмасăр пултаруллă каласа пани);

• «Халăх йăли – пурнăç йĕрки» (вĕрентекенсем чăваш халăх йăли-йĕркине тĕпе хурса ирттернĕ уроксемпе урок тулашĕнчи ĕçсене ирттерни);

• «Ачалăхри асамат кĕперĕ» (5-11-мĕш классенче вĕренекенсен ÿкерчĕкĕсен куравĕ);

• «Пирĕн çемьен юратнă чăваш апачĕ» (проекта 1-11-мĕш классенче вĕренекен çемьепе хутшăнса хÿтĕлени).

Фестиваль 2023 çулхи нарăс уйăхĕн 18-мĕшĕнче Хĕрлĕ Чутай шкулĕнче иртет, 9:00 сехетре пуçланать.
Ыйтса пĕлмелли телефонсем:
8-987-120-33-45 – Архипова Вероника Николаевна, Хĕрлĕ Чутай шкулĕн директор ĕçĕсене тăваканĕ,
8-917-674-02-68 – Орлова Светлана Николаевна, Хĕрлĕ Чутай шкулĕн директор çумĕ,
8-927-859-93-78 – Мидакова Наталья Васильевна, Хĕрлĕ Чутай шкулĕн директор çумĕ,
8-965-686-52-08 – Васильева Марина Николаевна, Хĕрлĕ Чутай районĕн чăваш чĕлхипе литератури вĕрентекенсен меслетлĕх пĕрлешĕвĕн ертÿçи,
8-967-794-66-46 – Егорова Анна Семёновна, Чăваш Республикин вĕренÿ институчĕн чăваш чĕлхипе литератури кафедри ертÿçин ĕçĕсене тăваканĕ.

Тӗплӗнрех