Хĕрлĕ Чутай вăтам шкулĕнче паллă та чаплă тĕрĕçе чысласа «Чӑваш тĕррин ăсти» стенд йĕркелерĕç

Паян пирĕн Республикăмăрта илемлĕ те черчен уяв – Чăваш тĕррин кунĕ. Ăна кăçал улттăмĕш хут палăртаççĕ. Шăпах чÿк уйăхĕн 26-мĕшĕнче халӑх ӳнерне пысӑк тӳпе хывнӑ тӗрӗ художникӗ Екатерина Ефремова ҫуралнӑ.

Хĕрлĕ Чутай вăтам шкулĕнче паллă та чаплă тĕрĕçе чысласа «Чӑваш тĕррин ăсти» стенд йĕркелерĕç. Стендри информаци вĕренекенсене чаплă тĕрĕçĕн пултарулăхĕпе тата ĕçĕ-хĕлĕпе тĕплĕн паллаштарчĕ. Чăваш тĕррин кунне кама халалланине те ăса хыврĕç ачасем.
Екатерина Иосифовна ячӗ пирӗн культура историйӗнче ĕмĕрсем тăршшĕпех çуталса тăрĕ, ăна тата унăн ĕçĕсене халăх манмĕ.